Lifafe Ka intzaar

use bhi intzaar tha aur
mujhe bhi
us din ka
jo aaj aa gaya
aur maine khol diya use
lifafa ko

padh daale ek hi nazar mein
usme likhe chaar panktiyaan
panktiyaan kya thi
sheetal paani si bahti
ek nadi thi

Jhankte hi jisme
dikh gayi puri pratibimb
aur bhaari ho gayi meri
palkein

jaise paas aake,
kaan mein kuch budbuda ke
gayab ho gayi thi wohi
pratibimb

Aur chalchitra ki tarah
daur gayi yaadein saari

Jaanta hoon,
door hai wo kitni
fir bhi har waqt uske
paas hone ka ehsaas kyon hai

jaanta hoon meri
mukaddar mein wo nahi
fir bhi har mod pe
uske aane ka intzaar kyon hai